公視新聞網 https://news.pts.org.tw/article/718468 南瀛國際民俗藝術節 18國21團體表演交流 發布時間：2024-10-08 19:15 更新時間：2024-10-08 19:30 李晨宇 / 地方報導 https://www.youtube.com/watch?v=R8z4X57EUW4 閬六冬閣舉辦的南瀛國際民俗藝術節，邀請18个國家、21組團體，來臺南做文化交流，毋 但逐工暗時有表演以外，佇日時文化局規劃外國團體到社區、學校佮宮廟等場所做巡迴演 出，嘛安排無仝的在地文化予IN體驗。（此則新聞標題、導言、內文皆為臺語文。） 拍鑼挵鼓鬧猜猜，兼有弄獅表演，臺南和順國小頭改有外國團體來學校做交流，逐个囡仔 拚勢共功夫展出來予眾人看，來自紐西蘭的原住民看甲歡頭喜面噗仔兼贊聲，in閣實際落 去體驗臺灣在地的藝陣文化。 臺南市和順國小囡仔講：「會踅鼓彼是戰鼓，啊若醒獅就是會跳椅條仔，阮是希望藉由這 改戰鼓，予國外的貴賓來挑戰。」 臺南市和順國小校長陳良圖講：「利用這改的交流機會，予囡仔會當了解國際理解佮多元 文化，這是一改足好足成功的交流活動。」 紐西蘭神龍舞團這回來校園參觀，IN嘛演出當地傳統的舞蹈佮歌曲，通予囡仔看著in佇戰 爭是按呢去嚇驚敵人。這改來臺南主要因為南瀛國際民俗藝術節十月初五起鼓，攏總18國 21組團體來參與，文化局嘛安排IN到各地頭行踏，兼做巡迴演出，欲予逐家閣較深入來認 捌無仝國家的文化。 Taniwha ventures團長 Jack Cani講：「佇臺南的體驗是非常好的，有一寡團員嘛是頭一 擺來臺灣，佇遮參逐家有足濟文化的交流，是非常難得的體驗。有一寡人可能會想厝，毋 過目前為止佇臺灣攏過甲足歡喜。」 臺南市文化局長謝仕淵表示：「民俗藝術節毋干焦是，一个國外的團隊帶來精彩的表演之 外，嘛希望這个文化交流，會當透過參訪等等的方式，來達到按呢的目的。」 因為疫情影響，致使藝術節閬六冬才閣舉辦，活動為期9工，鄉親毋免出國就會當欣賞各 國的民俗藝術。文化局也期待未來會當參閣較濟國家合作，鬥陣推sak地方文化。 曹詠涵/編輯 -- ※ 發信站: 批踢踢實業坊(web-ptt.org.tw), 來自: 111.255.105.71 (臺灣) ※ 文章網址: https://web-ptt.org.tw/Gossiping/M.1728392790.A.279